Rakel Irigoienekin ospatu dugu STARTinnova-k antolatutako bigarren hizketaldi digitala, azaroaren 6an goizeko 9:00tan. Aspalditik zeukan buruan halako gizarte mailako proiektu baten garapena eta, poliki-poliki, bere ametsa gauzatzen ari da. Elkartearen erronka gizarte-, osasun- eta/edo hezkuntza-erakundeekin lankidetzan aritzea da, terapiak egiteko eta animaliek pertsonen ongizatean dituzten onurak ikertzeko. Bide batez, urte luzeetan astoa gizakiaren bidelagun izan ondoren, bere etorkizuna bermatzen saiatzeko urrats bat ere bada.