ERASMUS+, Lan Praktikak atzerrian

Artengo ikasturtean Oteitza Politeknikoko lau ikasleek egingo dituzte beraien lan praktikak atzerrian. Horrela, Erdi Mailako Mekanizazio zikloko Mikel Bidezabal eta Fabio Rochas Milanera joango zaizkigu. Goi mailako Mekatronika Industriala zikloko Xuban Aizpurua ere, Milanera doakigu eta azkenik, Automatizazio eta Robotika Industriala zikloko Asier  Etxabek, Eindhoveko bidea hartuko digu.
Aurrera!

Robotika Malgua eta Kolaboratiboa jardunaldia

Oteitza Politeknikoak RIS3 estrategiarekin bat eginik eta Innobasqueren kolaborazioarekin, urtarrilaren 23an jardunaldi interesgarri bat antolatu du. Fabrikazio Aurreratuko ildo estrategikoan txertatzen den Robotika Malgua eta Kolaboratiboa leloarekin, bi goi mailako hizlari izan ditugu. Horrela, Damien Salle (Tecnalia) eta Juan Carlos Sasia (Larraioz) robotikaren gaur egungo egoera eta erronka nagusiak azaldu dizkigute.

Oteitzako Diseinuko ikasleak Andoaingo CIE Orbelan enpresan

Azaroak 15ean, Diseinuko ikasleak Andoaingo CIE Orbelan enpresan izan dira.

CIE AUTOMOTIVE taldeko enpresa bat da eta automozioko hainbat plastikozko pieza injektatzera dedikatzen dira: ispiluak, eserlekuaren hainbat palanka, atearen eskulekua, beso-euskarria, motorraren tapa, erradiadorearen euskarria ... marka hauentzat: Renault, Chrysler, Audi, Volkswagen, Ford, Opel ...

Hondartzako Erronka

Eguraldia lagun,  aurtengoan ere , zikloetako 1.mailakoek  erronketan oinarritutako ikaskuntza metodologiaren eredua ezagutzen joateko asmoz, ordu t´erdi ikasgelan talde lanean aritu ondoren, hondartzan amaitu den erronka burutu dute goiz guztian zehar. 

 Partaideek  lan bikaina gauzatu dute: 

 Bizikidetzako egun ederra igaro dugu!!,  Zorionak denoi!!!

-Ekintzaile eguna-2019-05-20

Larraioz enpresako Bittor Larraioz-en eskutik , ikasleek ekintzailetasunari buruzko informazio aberasgarria jaso dute. Bittor-ek, bere ekintzailetasun bidean emandako pausoak azaldu dizkigu eta  gainera , etorkizuneko ikuspegiarekin , industria munduan aditu gisa aritu zaigu modu zabal eta egoki batean. Goi mailako 1.mailako ikasleak izan dira bertan ( Mekatronika, Automatizazioa eta Robotika industriala, Fabrikazio Mekanikoko Diseinua eta Fabrikazio Mekanikoko Produkzioaren Programaziokoak).

HERRITARREN SOLASALDIAK: EMAKUMEA INDUSTRIAN

HERRITARREN SOLASALDIAK: EMAKUMEA INDUSTRIAN
Gizonekin lotutako sektore bat? Emakumeak nola erakarri?
Industria azkar eraldatzen ari da. Lanpostuek gero eta adimen gehiago eta indar gutxiago eskatzen dute. 4.0 industria aurrera doa maila teknologiko altu eta emankorren bila, genero eztabaidetan erreparatu gabe. Egia bada ere, emakume gehienek zerbitzu eta zainketarekin lotutako ziklo hezigarriak aukeratzen jarraitzen dute. Rolak eta estereotipo sozialak dira emakume gazteak enplegu hobeak eta soldata handiagoak eskeitzen dituzten lanbideak saihestera bultzatzen dutenak?

Orriak

RSS - Lanbide Heziketa-rako harpidetza egin